Algonquian

Mino picaok oo8e ocki ocipiikani nap8atcikani apatcita8in « Kobek Moneikanan ka mikitamo8atc » ka ocito8atc.

Eki mik8enimakani8i8atc kakina anicinapek na8atc kitci mino nisitotcikatek Kobek Moneikan ka mikitamo8atc ki anoki8ak kitci ki anicinapemotcikatek oo8e ocki ocipiikani nap8atcikani apatcita8in kitci tipatcimomakak ati nokom mek8atc e taci mikitcikatek moneikani mikimo8in.

IKI8E KOBEK MONEIKAN KA MIKITAMO8ATC ATI ECITA8ATC

Apitc ka matcita8atc 8eckatc 1936 kitci akitason, Moneikan ka mikitamo8atc ooma Kobek mikimo8inik oki papa mocakinana8a tipatcimo8ini pepakan monaikanikak inatcimo8in kitci kikentcikatek ati ecita8atc moneikanan. Pi8apik ka nanata8apatamotatc moneikanan, koni ka nanata8apatamo8atc pekakan asini ka min8akitakositc, iki8e acitc ka nanata8apakatcike8atc ati ke ici tak8akipan ocki moneikan ooma misi8e Kobek, ici acitakomitiso8ak iima kitci 8itamake8atc ati mek8atc ecita8atc 8ina8a. Kitci maneton meka pepakan mikimo8in moneikan e mikitcikatek, mi8etci ki tak8ak pecik ocipiike8iki8am kitci peciko acitakonitiso8atc (member) « Kobek Moneikan ka mikitamo8atc » icinikaso8ak. A8enenikotc tac Moneikani mikimo8inik ici acitakonitisotc iima oka kackiton kitci 8itciakani8itc koni kitci 8itcii8etc ke8in atikotc ecitantcin ini Kokek Moneikan ka mikitamo8atc, na8atc kitci macka8isi8atc acitc kitci tep8etamomakanik otikito8in.

Mane masinaikanikak koni ka ici masinatesek tipatcimo8in (nouvelles?)ici nakosi8ak iki Kobek Moneikan ka mikitamo8atc. Nanikotin kitci okiman onakicka8a8an, kitci kackak, okimak, aianotcikotc ka nikanintcin o8itcia8an kitci minosenik 8a ici nta8entamo8atc iki8e Moneikani mikimo8inik ka acitakoniti8atc. Nanikotin acitc oma8atcian pepakan mikimo8inik eckam kitci 8itci mikimomitintcin acitc kitci nakictotatintcin atikotc eci mikimo8atc moneikanan.

Kobek moneikan ka mikitamo8atc ecita8atc nitam: Kitci miki8e8atc moneikanikak tipatcimo8ini, kitci 8itoka8a8atcin a8enenikotc KobeK monainani, na8atc kitci mino kicikapatcikatek kakina kekon, kitci miki8e8atc eci kackito8atc kin8ec kitci tak8ak mikimo8ini. Kitci nikani asakani8i8atc 8ina8a Kobek moneikan ka mikitamo8atc, kitci nikani8atc kitci nosoneikatenik eci kackito8at, atikotc eci mikotcikatek monaikani mikimo8in ooma Kobek, kin8ec kitci ki taci tak8ak ii monaikani mikimo8in. Kicpin iima Kobek monaikan ka mikitamo8atc 8i ici acitakimitiso8an mi oo8e ke ici kicikapataman:

- Na8atc 8e8enta kitci apitenimatc ki8itci pimatisim
- Kitci nak8ak 8ekonen eci mikimonani8ak
- Kitci k8aiak kicikapataman kekon
- Ma8asak kitci mikomonani8ak

KIN8EC KITCI TACI TAK8AK MONEIKANI MIKIMO8IN KICIKAPATCIKATE

Oteimini kisis 2014 akonak, Kobek moneikan ka mikitamo8atc acitc ka acitakimitiso8atc monaikani mikimo8inikak, okana8apatana8a kin8ec kitci taci tak8ak monaikani mikimo8ini. Oki ocitona8a masinaikan kitci nosoneikatenik ati maia ke totcikatenik apitc moneikani8ak akikak acitc kitci kicikapatcikatek kitci manatcitcikatek aki, kakina monaikani mikimo8inik kata inentakosi8ak kitci nosineamo8atc ii ka ocipiikatek, ati ke icinak8anik acitc o monaikani apatcita8ini8a ici kicikapatcikate eckam kitci min8acik omikimo8ini8a.

Apitc ka ocitcikatek ii8e masinaikan « kin8ec kitci taci tak8ak monaikani mikimo8in », panima taso pipon kicikapatcikate kitci nta kikentcikatekin 23 kekonan ke nakatcitcikatekin kicpin epitci min8acikin kiapatc. Nikot8atcin(6) ki ici nenicikepitcikate8an ke ici akinetcikatekin ini kekonan keki ici ani nosoneikatekin. Nitam tac ii8e 1) « Anicinape8akin acitc kotakian otenacican kitci nakickotatinani8ak » tasopipon tac kata kana8apatcikate. Kotakian ono8e : 2) monaikani 8epinasonan, 3) kakina kotc kekon ka pimatisimakak akikak koni a8esis koni kitikan acitc mitikok, 4) ke otapikesik kakina apatcita8inan kitci mipitek monaikan tapickotc 8asakonentamakan koni aki pimite ke icisek kicpin osam mane opapatek 8ak8ikak kitci otci 8anatcitcikatek AKI (ki nesemin meka ii acitc eckam ani kicite aki nokom osam e manek e opapatek ka packinek monaikanikak koni otapananikak eki otcisekin), 5) kana8apatcikate acitc anotakanak kitci minopimatisi8atc, kitci eka ocikocino8atc, 6) kata nakatcitcikate acitc ati ke totcikatek kitci kekon ici8epak. Taso niso(3) pipon, pecik ka inapatisitc anotakan oka nta kikentan, 8e8enta kitci kicikapatak kicpin epitci min8acik ka ntakikentcikatenik. Taso pipon tac masinaikan ocitcikate kitci tipatcimonani8ak kapi icitani8ak. A8enenikotc oka kackiton kitci napo8atak ii. Kicpin na8atc kekon 8i kikentaman ooma makonan.

AKI

Kakina monaikanan ka mikitamo8atcin inentakosi8ak kitci nosoneamo8atcin 100 inakonike8inan acitc icitcike8inan Aki kitci manatcito8atc, na8atc tac kitci nakatciakani8i8ak ooma kobek akikak ka nanata8apataso8atc. Eci nikanentak8an tac kitci manatcitcikatek AKI apitc pakan ocki apatcita8in apatcitcikatek kekon totcikatek nokom monaikani mikimo8in, na8atc eka kitci 8anatcitcikatek aki apitc cenikatek monaikan pinici kitci kipisik, pinici kitci koki napatcikatek aki ick8a mikimonani8ak.

KAKINA A8IAK KITCI MIN8ENTAK

Kakina kekon ani pakanise nokom. Monaikani mikimo8inik acitc okikentana8a ii, mitac eci nta8entamo8atc, kakina a8iak kitci nikan asatcin. Kitci ki minosek tac ocki monaikan, kakina a8iak kitci ici min8entak ici nta8entcikate. Mitac 8etci nta kikentamo8atc e nta nakicka8a8atcin a8iakon anicinape8akikak kek8an otenacicikak. 8ina8a meka na8atc okikentana8a ati eci mik8entamo8atc ke ici8episi8atc acitc ke ici nta8entamo8atc kitci icisenik. Pepekan tac o8i totana8a kitci nakickake8atc apitc 8i ocito8atc ocki moneikani kitci nakomonani8anik.

KITCI MINO PIMATISI8ATC ACITC EKA KITCI OCIKOCINO8ATC KONI KITCI NANISANISI8ATC ANOTAKANAK E MIKIMO8ATC

Tetako mane icita8ak anotakanak moneikanikak, mi8etci kitci manatciakani8i8atc kitci minopimatisi8i8atc acitc eka kitci ocikocino8atc eka kitci nanisanisi8atc e mikimo8atc. Eckam tac nokom na8atc 8a8ikat ocikocino8ak anotakanak moneikaninak eci mikimo8atc, 8apata8emakan epitci aitci kana8apatcikatek o pimatisi8ini8a. Kobek monaikan ka mikitamo8atc eci kackitoa8tc okicikapatana8a kape kitci ani mikitamo8atc ati ke totamo8apan kitci manatcia8atcin otanotakani8i8a kitci minopimatisintcin acitc eka kitci ocikocintcin koni eka kitci nanisanintcin. Apitc tac ocki moneikan otci cetek, mi ii pecik eci kana8apatcikatek kitci kekon.

Ati eci tak8ak ocipiike8iki8am :

Québec Mining Association
Place de la Cité - Tour Belle Cour
2590, Laurier Blvd., Suite 720, 7th floor
Québec (Québec) G1V 4M6
Phone : 418 657-2016
Fax : 418 657-2154
General email : amq@amq-inc.com
A8iak 8i aiamiatc Kobek monaikan ka mikitamo8atc ooma makonan